Başbakanlık Devlet Arşivinden Bir Resmi Vesika

Şeyhbizinli (şeyhbizinlü, şeyhbozanlı, şeyhbuzunlu, şeyhbuzunî), cemaati İmâm Muhammed el-Bakır (Hazretlerinin) ve Zeyne'l-Âbidîn (r.h.) Hazretlerinin ve Şeyh Selâhaddîn (Hazretlerinin) sülâlesinden olup, Ankara sancağında iskan etdirilmiştir... "

Başbakanlık Arşivi Belgelerine Göre Osmanlı İmrapatorluğu'nda OYMAK, AŞİRET ve CEMAATLAR, s. 596,

[Başbakanlık Osmanlı Arşivi, Cevdet Evkaf Tasnifi, Nu:258/10616]
Emr verilmiştir müfassalı Defterdarın sah imzası.
Erzincan kazası nâ’ibine hüküm ki
Senki mevlânâyı muma ileyh es-Seyyid İbrahim zîdeilmuhusun südde-i sa‘âdetime mektûb gönderip Şeyhbizinli Aşiretinden mı es-Seyyid Molla Musa ve karındaşları es-Seyyid Molla Hasan ve es-Seyyid Süleyman zîde şerefuhum meclis-i şer‘avârûb bunlar sahîhüʹn-nesebsâdât-ı kiramdan olub isbât-ı neseb eylediklerine İstanbul nükābasından yedlerine ma‘mulunbih hüccet ve temessükleri olub Erzincan kasabası toprağında biʹl-fi‘ilzabt ve tasarruflarında avârızhânesine bağlı tekâlîf alınmak îcâb eder emlâk ve yerleri olmayûb ahâlî-i kasaba taraflarından tekâlîf-i ve ehl-i örf ta’ifesini taraflarından dahi bilaemr-i şerîf tekâlif-i şakke talebiyle te‘addi ve rencîdehâlî olmamalarıyla hilâf-ı kānûn ol-vechle zâhir olan müdâhale ve te‘addileri men‘ ve def‘ olunmak bâbında hükmü hümâyunum verilmek ricâsınavâki‘-i hâlîbiʹl-iltimâs arz ve divân-ı hümâyunumdan kānunusu’âlolundukda bâlâda mezkurüʹl-esâmi kimesneler sahîhüʹn-nesebsâdât-ı kiramdan olub isbât-ı neseb eylediklerinde İstanbul nükabâsından yedlerinde ma‘mulunbih hüccet ve temessükleri olub Erzincan kasabası toprağında biʹl-fi‘ilzabt ve tasarruflarında hâne-i avârıza bağlı tekâlif alınmak îcâb eder kadîmî emlâk ve yerleri yok ise ahâlî-i kasab taraflarından tekâlif-i ve ehl-i ireftâ’ifesi taraflarından dahi bilaemr-i şerîf tekâlif-i şakke mütalebesiyle ta‘addileri müğayir-i kanun kanundur deyûtahrîr olamağla kānun üzere amel olunmak bâbında fi evahir-i L 1295 tarihinde Divan-ı Hümayun tarafından emr-i âlî sadır olduğu mükayyeddir.
Kanun üzere buyuruldu. Sah 29 Ş 1249
[Başbakanlık Osmanlı Arşivi, Cevdet Evkaf Tasnifi, Nu:258/10616]
Hû
Atebe-i aliyye-i adâlet-ünvân ve südde-i seniyye-i sa‘âdet-nişân lâ zâletalihî ilâ yevmi'l-haşrive'l-mîzân türabına bi-tarîki'l-a‘lâm hakikat eserleridür ki Şeyh Bızınlu Aşîreti'nden es-Seyyid Musa ve karındaşları Seyyid Hüseyin ve Seyyid Süleyman sâdât-ı kiramdan olub yedlerinde İslambol Nükebâsı tarafından ma‘mulü'n-bih hüccetleri olup Oltu kasabası tarafında bi'l-fi‘lzabt ve tasarruflarında avârız hânesine bağlu tekâlif îcâb eder emlâk yerleri olmayub ahâlî-yi kasaba taraflarından tekâlif ve ehl-i örf ta’ifesi taraflarından bilâemr-i şerîf tekîlif-i şâkka ve mîrînâmiyle diyerek mutâlebe ile rencide etdiklerinden mukaddem Erzincan kasabasında ikâmet etdiklerinden kasaba-i mezkûr Kâdısi Efendi tarafına hitâben mûmâ-ileyhümûnun telâlif-i şâkkabilâ emr-i şerîf mutâlebe olunmaması husûsuna bir kıt‘afermân-ı celîlü'l-ünvâninâyet-i şâhâne buyurulmuş ise de el-hâletü hazihi Seyyid Musa ve Seyyid Hüseyin ve Seyyid Süleyman ve evlâdları Seyyid Veli ve Seyyid Osman ve Seyyid Ali ve Seyyid Mustafa ve Seyyid Abdurrahman ve Seyyid Yusuf ve Seyyid Ahmed ve Seyyid Muhammed ve Seyyid Abdullah ve Seyyid Şerif Muhammed ve Seyyid Hasan Oltu kasabasında sâkinler olub bilâemr-i şerîf tekâlif-i şâkka ve mîrî nâmiyle merkûmûnları ehl-i örf taraflarından rencide etdiklerinde yedlerinde olan ma‘mûlü'n-bih hüccetleriyle mazmunu inâyet buyrulan fermân-ı âlîşânı ibrâz etdiklerinde yedinizde olan senedâtlarınıza tîklenmiş diyerek ehl-i örf tâ’ifeleri amel etdiklerinden Aşîret-i merkumun mahfel-i kazâya gelüb yedlerinde olan senedâtlarını ibrâz ve Seyyid Musa ve Seyyid Hüseyin ve Seyyid Süleyman'ın sulb-i sahih evlâdları olduklarını isbât etdiklerinde yedlerinde olan senedâtları mucibimü ceddeden bilâ emr-i şerîf mîrînâmiyle ve tekâlif-i şâkkaehl-i örf taraflarından mutaâlebe olunmaması husûsuna bir kıt‘afermân-ı celîlü'l-ünvâninâyet buyurulmasını pâye-i serîr-i saltanat-ı a‘lâyai‘lâm ile deyü iltimâs istid‘â etmeleriyle ol ki vâki‘ hâldir serîr-i saltanat-ı a‘lâya i‘lâm olundu ol bâbda emr ü fermân men el-izzüve'ş-şerefün dürhurrire fî evâ’il-i şehr-i Receb-i Şerîf sene tis’a ve erba‘în ve mi’eteyn ve elf
El-Abdü'd-dâ‘î el-kadîm es-Seyyid Muhammed Ârif el-Nâ’ib-i be-kazâ’i Oltu [İmzâ]
Sâh
Kânûnüzre hüküm yazıldı
Fî 29 Ş. Sene [12]49 [İmzâ]
Mühr-i mutâbık [Mühür]
Husûs-ı mezbûr tekâlif nizâ‘ınadâ’irmevâddan olub bâlâda kaydı der-kenâr olunan emr-i âlî dahi yine nizâ‘ımezkûrdan dolayı dârende-i arz babaları istid‘âsıyla sordurulmuş olmağla derûn-ı i‘lâmın muharrer mîrî lafzından sarf-ı nazar olunarak ancak kânun üzreemr-i a‘lîi‘tâsı iktizâ eylediği ma‘lûm olanları buyuruldukda Fermân Devletlü Sultânımındır
Fî 25 Ş sene [12]49

Tekalif-i Örfiden Muafiyet Belgeleri
Birçok ailenin elinde Seyyid oldukları için tekalif-i örfiyyed muaf olduklarına dair değişik belger var. Bu belgeleri görmemezlikten gelemeyiz. Bu belgeler, verildikleri makamlara göre kuvvetli belgelerdir.
Siverek Şeyhbizinlerinden Seyyid Hüseyin ve yakınlarının Tekalif-i Örfiyyeden muaf olduklarına dair resmi belge…

Hicrî bin yüz yetmiş (1170) senesinde kendilerine verilmiş vesika… Türkiyenin değişik yerlerinde yüzlerce Şeyhbizinî ailenin elinde Seyyid oldukları için Tekâlif-i şeriyyeden muaf olduklarına dair resmi belgeler var.